Анатолий Смирнов «Ёлка желаний» акцийыште участвоватлен
Марий Эл Кугыжаныш Погыным вуйлатыше Анатолий Смирнов «Ёлка желаний» акцийыште участвоватлен. Верласе парламентлан спикерышт- Федераций Советын Россий Федерацийысе законым лукшо- влак Советын заседанийжын участникше- влак Россий кӱкшытан «Ёлка желаний» поро кумыл акцийыш ушненыт. Акцийым неле илыш йыжыҥыш логалше йоча да илалше еҥ- влаклан у ий йомак шӱлышым шижтараш да куаным пӧлеклаш манын эртаралтеш. Тений посна тӱткыш Донецк да Луганск калык республикылаште, Херсон да Запорожский областьлаште илыше йоча- влаклан ойыралтеш. Кугыжаныш Погыным вуйлатыше Анатолий Смирнов кож гычын ДНР гыч рвезе Николайын шонымашыжым возыман шар-открыткым мучыштарен налын. Рвезе У ий пӧлеклан радиовиктарыман машинкым вуча. Республикысе парламентым вуйлатыше Йӱштӧ Кугызалан йочан шонымыжым шукташ полшаш сӧрен.
Фото: Марий Эл Кугыжаныш Погын.
Фото: Марий Эл Кугыжаныш Погын.
