Татарстанысе марий самырык тукымынат слётшо лиеш
Татарстан республикысе марий- влакын калыкле тӱвыра атономийышт республике кӱкшытан самырык- влакын «Йӱлам арале» слётыштым эртара. Мероприятий 25-ше гыч 27-ше июль марте Татарстанын Раисше пеленысе татар йылмым да республикыште илыше калык- влакын шочмо йылмыштым арален кодымо да вияҥдыме шотышто комиссийын да Татарстанысе калык- влакын самырык шамычын ассамблейыштын полшымышт дене эртаралтеш. «Йӱлам арале» слёт уло республике гыч марий самырык еҥ- влакым чумыра. Форум Кукмор районысо Синерь посёлкышто «Ший эҥер» тӱвыра рӱдер» организаций негызеш лиеш. Икымше кечын участник- влак кугыжаныш, мер органиазцийлан еҥышт дене йыргешке ӱстел йыр вашлийыт, калыкле сийым ямдылаш туныктышо мастар-класс- влак эртат. Кокымшо кечын социал проектирований дене тренинг программе лиеш. Тушто уш-акыл да деловой модмаш, социал вотлам вӱдаш, марий йылме дене публикаций- влакым возаш туныктышо программе, лекций-практикум: мер ушем- влакын пашам ыштыме негызышт, марий калыкын калыкле- тӱвыра автономийыштын пашам ыштымыже, «Марий шонанпыл» йоча этно- тӱвыра фестиваль нерген да молат лийыт. Пытартыш кечын иктешлымаш эрта.
Фото: Татарстанысе калык келшымаш пӧртын увер рӱдерже.
Фото: Татарстанысе калык келшымаш пӧртын увер рӱдерже.
