Таза лийнет гын, прививкым ыште

Марий Элыште пӱсӧ респираторный вирусан инфекций дене черланыше-влакын чотышт кушкеш.

Кодшо арняште тиде диагнозым 4 тӱжем 200 наре еҥлан шынденыт. Черланымаш лондемым 10 процентлан эртыме. Грипп кызытеш уке.

Эпидемий тургымышто республикыште грипп деч прививкым 410 тӱжем 650 еҥлан ышташ палемдыме. Эн ондак вакцинацийым лӱдыкшӧ тӱшкашке пурышо-влаклан ыштыман.

11-ше сентябрьлан Марий Элыште грипп деч прививкым 54 тӱжем утла кугыеҥ да 1 тӱжем утла йочалан ыштеныт.

Иммунизаций умбакыже шуйна.

 


 

Прошлые выпуски