Тений идалык тӱналтыш гыч 29 еҥ вӱдыш пурен каен
Республикыштына тений идалык тӱналтыш гыч 29 еҥ вӱдыш пурен каен, илыш дене чеверласен. Нунын кокла гыч кумытшо йоча- влак улыт. МЧС-ын утарышыже- влак шижтарат: октябрь мучашыште азапыш логалше- влак ешаралтыныт. Тидыжым колым кучымаш дене кылдат. Сандене кол кучаш каяш тарванышыла лӱдыкшыдымылыкым эскераш кӱлеш. Игечын могай улмыжым шотыш налман, йоча- влакым вӱд воктене шкеныштым кодыман огыл, кочывӱдым подылман огыл, кайыме деч ончыч кушто колым кучышашым лишыл еҥ- влаклан ойлен кодыман,- ушештара МЧС-ын республикысе тӱҥ виктемжын пресс-службыжо.
Фото: архив.
Фото: архив.
