Тений Марий Элыште шым кӱварым капитально олмыктат

Тений Марий Элыште шым кӱварым капитально олмыктат
            Тений Марий Элыште шым кӱварым капитально олмыктат. «Марийскавтодорын» проект офисше могай кӱвар- влакым олмыктышаш нерген каласкален. Чыла сомылым «Качестван лӱдыкшыдымӧ корно» калыкле проект кышкарыште шуктат. Мутлан, Светский районышто Куяр-Солнечный-Роҥго» автомобиль корнышто вигак кок эҥер Роҥго да Шуля вӱд гоч кӱварым капитально олмыктат. У Торъял районышто Токтарсола- Руш Шой- Пушкари корнышто Шуй эҥер гоч, Марий Турек районышто Елеево- Марий Турек-Лоп корнышто Вӱрзым эҥер гоч, Звенигово районышто Звенигово- Шолеҥер- Морко корнышто Ӱшӱт эҥер гоч, Курык марий районышто Виловат- Шындырял корнышто  Сундырка эҥер гоч, Оршанке районышто Ильинка-Пуял корнышто Ошла эҥер гоч кӱвар- влакым олмыктат. Чыла гаяк сооруженийыште пашам эше кодшо ийыштак тӱҥалме.
         Фото: «Марийскавтодор».

Прошлые выпуски