Тений Моркышто Михаил Янтемир лӱмеш сылнымут да этнографий тоштерым олмыктат
Тений Моркышто Михаил Янтемир лӱмеш сылнымут да этнографий тоштерым олмыктат. Тиде пашалан «Тӱвыра» калыкле проект кышкарыште 11 миллион утла теҥгем ойырымо. Зданийыште отмосткым ыштат, цоколь ден пӧртӧнчылым уэмдат, тӱжвал пырдыжым блок-хаус дене комыжлат. Кӧргыштат пырдыж ден тувырашым шотыш кондат, кокымшо пачашыш тошкалтышым ыштат. Ырыктыме системыште радиаторым ешарат, вӱдпучым шупшыт, канализацийым, санузелым ыштат. Тиддеч посна электрооборудований ден пожар сигнализацийым вашталтат да видеоэскерыме системым вераҥдат. Тӱвыра министерствыште ойлымо почеш, тоштерым 1994-ше ийыште почмо. Кызыт ныл залыште да фондохранилищыште вич тӱжемат 605 тоштер предмет ончыкталтеш. Кажне ийын тушко вич тӱжем утла еҥ коштеш.
Фото: Тӱвыра министерстве.
Фото: Тӱвыра министерстве.
