Юрий Зайцев Республикыштына Ешын идалыкшым почын
Юрий Зайцев Республикыштына Ешын идалыкшым почын. Тидлан пӧлеклалтше торжественный мероприятий теҥгече Эрик Сапаев лӱмеш опера да балет кугыжаныш академический театрыште эртен. Залыш шуко шочшан еш, профессионал династий, тӱрлӧ еш конкурслаште участвоватлыше, шуко ий пырля илыше еш да СВО-н участникше- влакын ешышт погыненыт. Юрий Зайцев погынышо- влакым саламлен да Президент Владимир Путинын увертарыме Ешын идалыкшылан республикыште тӱҥалтышым пуэн. Марий Элым вуйлатыше чолга илыш позицийлан, ешын акшым вияҥдымылан да арален кодымылан 11 ешлан нарадым кучыктен. Торжественный мероприятий годым «Лишыл да шерге» Россий кӱкшытан еш форумышто сеҥыше Шабдаровмыт еш Йошкар-Оласе ЗАГС-ыш еш форумышто чӱктымо лампадкым пуэныт. Тушто ешым аралыше шнуй- влак Пётр ден Февронийын мощьышт аралалтше Муромысо Свято- Троицкий монастырь гыч налме тул йӱла.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
