Яранскыште «Марий сем» фестиваль лийын
Яранскыште «Марий сем» фестиваль лийын. Марий фольклорын Район- влак кокласе кӱкшытан визымше фестиваль пошкудо кундемысе Яраҥ олаште эртыше рушарнян лийын. Районысо калык усталык пӧрт Киров область да Марий Эл гыч коллектив ден исполнитель- влакым чумырен. Фестиваль кокымшо пачашын фойеже гыч тӱҥалын. Тушто кидмастар- влакын пашаштым да тутло марий сий- влакым ончыктымаш гыч тарванен. Тыгай шке шотан вашлийын мутланымаш деч вара пайрем ончымо залыште умбакыже шуйнен. Палемдыде ок лий: 2021-ше ийысе перепись ончыктен- Киров областьыште 19 тӱжем наре марий ила. Тушечын 11 тӱжемже але 57 процентше шочмо йылмыжым пала. Ончычсо 2010-шо ийысе перепись годым тушто 30 тӱжем наре марий лийын. Областьыште марий – влакын шагалемаш тӱҥалмышт 1959-ше ийысе перепись гычак шижалташ тӱҥалын. Тунам областьыште 53 тӱжем наре марий илен. 60 ий ончычсо дене таҥастарымаште шагалеммаш 65 процентыш шуын. Областьыште ик школыштат марий йылмым огыт туныкто манаш лиеш, - воза Марий Увер сайт.
Фото: Евгений Никифоров. Архив.
Фото: Евгений Никифоров. Архив.
