Тунемше- влакын 5-ше Интеллектуал олимпиадыштын финалже почылтын

Теҥгече Йошкар-Олаште Юл кундем федерал округышто школышто тунемше- влакын 5-ше Интеллектуал олимпиадыштын финалже почылтын. Рӱдӧ олашкына округысо чыла кундем гыч 8-11-ше класслаште тунемше 168 эн шуко шинчымашан ӱдыр-рвезе толын. Нуно муниципал да регионласе таҥасымашлаште сеҥыше  улыт,  ныл программе дене шинчымашыштым тергат: «Робототехнике», «Программирование», «Изобретатель задачым ыштымаш» да «Мо? Кушто? Кунам?» модмаш. Погынышо- влакым Юл кундем округышто полномочный представитель Игорь Комаровын лӱмжӧ дене полышкалышыже Владимир Колчин саламлен. Тунемше- влакын шинчымашыштым Российысе вузла гыч шанчыеҥ да кучем органлам вуйлатыше- влакын эксперт  комиссийышт акла. Таче сеҥыше- влакын лӱмышт пале лийшаш.

Прошлые выпуски