У Торъял районышто кок кӱварым олмыктымо
У Торъял районышто кок кӱварым олмыктымо да пашаш колтымо. Сооружений- влак «Шернур- У Торъял» автомобиль корнын 16-шо да 20-шо меҥгыштыже верланеныт. Кокытыштыжат метр кумдыкан тротуарым ыштыме. 16-шо меҥгысе кӱварым 1989-ше ийыште ыштыме. Олмыктымын кужытшо 35 метр, кумдыкшо 11 метр. 20-шо меҥгыште верланыше объектым 1986-шо ийыште чоҥымо. Кӱварын кужытшо 50 метр, кумдыкшо тыгак 11 метр. «Марий Элысе корно- влак» группышто рашемдыме почеш, тиде корнышто пашам эше мучашлыме огыл. Шушаш ийын корно тӱналтыш гыч 25-ше меҥгыже марте олмыкташ тӱҥалыт.
Фото: «Марий Элысе корно-влак».
Фото: «Марий Элысе корно-влак».
