Республикыштына студент- влаклан у стипендий- влакым палемдыме
Республикыштына студент- влаклан у стипендий- влакым палемдыме. Тидын шотышто Марий Элым вуйлатышын пашажым шуктышо Указым пеҥгыдемден. Стипендийым вузлаште бакалавриат да специалитет программыла дене тунемше студент- влак налын кертыт. Нуно Марий Элыште регистрироватлалтше, военнослужащийын ешыже гыч, исполнительный кучемын федерал органжын, федерал кугыжаныш органын, эл кӧргӧ паша органын пашаеҥыштын, ДЛНР кундемыште специальный сарзе операцийыште участвоватлыше еҥ- влакын але сарзе порысым шуктышыла вуйым пыштыше- влакын ешышт гыч лийшаш улыт. Стипендийын кугытшо кок тӱжем теҥге лиеш. Ойырымо оксам чын кучылтмым туныктыш министерстве терген шогаш тӱҥалеш. Указым кузе шуктымым правительстве председательын икымше алмаштышыже Михаил Васютин эскера. Студент тунемме гыч кая, академический отпускым налеш да предмет- влак дене парымже погына гын оксам огыт тӱлӧ. Указ икымше сентябрь гыч вийым налеш.
