Евсеев лӱмеш калыкле тоштерын этнографий экспедицийже мучашлалтын
Морко районышто Евсеев лӱмеш калыкле тоштерын этнографий экспедицийже мучашлалтын. Куд кече жапыште шанче пашаеҥ- влак да волонтёр- шамыч Азъялыште, Себеусадыште да Весшӱргышто марий тӱрым тӱрлызӧ- влак нерген биографий уверым кычал, погеныт. Кидмастар- влак 1920-шо ийлаште Тимофей Евсеевын вуйлатымыже почеш Марий областной тоштерлан марий тӱрын образецше- влакым тӱрленыт. Шымлызе- влак 9 тӱрлызын тукымжо дене вашлийын кертыныт, шарнымашыштым возен налыныт, еш фото альбомыштым шымленыт, Тимофей Евсеевын идыш ден пашаже нерген у увер- влакым пален налыныт. Йошкар-Олаш яра кида пӧртылын огытыл. Этнографий шотан 80 утла ӱзгарым погеныт. Поснак кугу куаным Евсеевмыт ешын родо-тукымжо дене аралалтше 20-шо курым тӱҥалтышысе ӱдырамаш тувыр ден вуйчием- влак луктыныт. Ынде погымо материалым иктешлаш, ончерым ямдылаш да электрон каталогым ышташ кӱлеш.
Фото: Т.Евсеев лӱмеш тоштер.
Фото: Т.Евсеев лӱмеш тоштер.
