У тунемме ийыште Юлтех икымше курсыш рекорд наре чот студентым налын

У тунемме ийыште Юлтех икымше курсыш рекорд наре чот студентым налын
              У тунемме ийыште Юлтех икымше курсыш рекорд наре чот студентым налын. Юл кундем Кугыжаныш технологий университет 92 ий мучко Республикыште кӱшыл инженер шинчымашан специалист- влакым ямдыла. Тений Юлтех шке историйыштыже икымше гана икымше курсыш тунемаш кум тӱжем утла ӱдыр-рвезым налын. Теҥгече Ленин лӱмеш площадьыште шинчымаш кечылан пӧлеклалтше торжественный мероприятий эртен. У тунемме ий тӱҥалме дене студент- влакым Марий Элым вуйлатыше Юрий Зайцев, Кугыжаныш Погыным вуйлатыше Анатолий Смирнов, Федераций Советым вуйлатышын алмаштышыже, Марий Эл деч сенатор Константин Косачёв, университетын ректоржо Игорь Петухов саламленыт. Юлтех республикылан гына огыл, Россий мучкылан кӱлешан специалист- влакым ямдыла. Тудо шуко ияш историйыштыже 100 тӱжем утла специалистым туныктен луктын.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски