Йошкар-Олаште у школ шке омсажым тӱжемат 120 тунемшылан почын

Йошкар-Олаште у школ шке омсажым тӱжемат 120 тунемшылан почын
               Йошкар-Олаште у школ шке омсажым тӱжемат 120 тунемшылан почын. 32-шо номеран школым почмашке Марий Элым вуйлатыше Юрий Зайцев миен. Школым «Туныктыш» калыкле проект кышкарыште чоҥымо. Тунемме тӧнежым ышташ ик миллардат 200 миллион утла теҥге оксам кучылтмо. Школ шке дизайн-проектше дене ойыртемалтеш. Интерьержым кугыжаныш символикын элементше да йоча- влакын усталык пашашт дене гына огыл, а республикын символжо- влак дене сӧрастарыме. Кажне пачашлан шке тематикыжым палемдыме: кокымшо пачаш сымыктышлан, кумшо краеведенийлан, нылымше шанчылан пӧлеклалтын. Класс- влак деч посна увер рӱдер, кызытсе жаплан келшыше труд уроклан мастерской, актовый да спорт зал, ритмике, чолга модмашлан пӧлем, стадион, волейбол ден баскетбол площадке- влак улыт. Тӱшка мероприятий- влакым эртараш школыш пурымаште уремысе амфитеатрым ыштыме. Школышто физикым, информатикым да математикым келгын тунемме класс- влакым почмо. Лу икымше классым ыштыме. Йоча, туныктышо, ача-ава- влакым Марий Элым вуйлатыше Юрий Зайцев шинчымаш кече да школым почмо дене саламлен.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски