Волжск олаште Марий Элым вуйлатыше Юрий Зайцев «Родина» кинотеатрым йоча сымыктыш школлан пужен ыштыме пашамат ончен

Волжск олаште Марий Элым вуйлатыше Юрий Зайцев «Родина» кинотеатрым йоча сымыктыш школлан пужен ыштыме пашамат ончен
               Волжск олаште Марий Элым вуйлатыше Юрий Зайцев «Родина» кинотеатрым йоча сымыктыш школлан пужен ыштыме пашамат ончен. Пашам 2023-шо ийын шыжым тӱналме, тений идалык мучаш марте пытараш шонат. Тымарте тӱжвал вӱд пучым, канализацийым пыштыме, электричествым пуртымо, кӱртньӧ бетон каркасым ыштыме. Подвал пачашын пӧлемлажым шымартыме. Леведышым тӧрлымӧ, карнизым ыштыме, пурымо верым ачалыме паша умбакыже шуйна. Пужен ыштыме деч вара «Родина» кинотеатр шке тӱсшым арален кода. Тушто йоча сымыктыш школ да 200 верлан кинозал лийыт. Кызыт йоча- влак кок зданийыште тунемыт. Нуныжо тӱрлӧ верыште улыт. У верыште эше «Хореографий» пӧлкам почаш шонат. Юрий Зайцев палемден: республикыште кушкын толшо тукымын усталыкшым вияҥдаш йӧн- влак ышталтыт.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски