Удмуртийыште калыкле кухньын Тӱнямбал фестивальже лиеш

Удмуртийыште калыкле кухньын Тӱнямбал фестивальже лиеш
             Удмуртийыш калыкле кухньын Тӱнямбал фестивальыш ирянлык шыл гыч шолтымо Марий солянкым наҥгаят. Одо кундемыште 30-шо июнь гыч 1-ше июль марте калыкле кухньын 9-ше «Быг-Быг»Тӱнямбал фестиваль эрта. Тушто Российысе тӱрлӧ кундем гыч да Марий Эл гычат повар- влак мастарлыкыштым ончыктат. Марий Эл гыч Антроповмыт еш участвоватла. Нуно «Руш пасу» фестивальын Гран-прижым налме да Йошкар-Олаште предпринимательын кечыжым пайремлыме деч вара чапланыше ир шыл гыч калыкле солянкын рецептшым презентоватлат. Фестивальын унаже- влак шолгымеш кӱыктымо пулдырчым, марий подкольым,ош поҥго, ӱмбал дене шолтымо висте пучымышым, ирсӧсна шашлыкым тамлен ончен кертыт. Тений фестивальын программыштыже кулинар презентаций деч посна, финн-угор калык модмаш, куштымаш, сем- влак лийшаш улыт, кулинар мастар-класс, кова- влак деч ожнысо сийым ужалыме лапке, калыкле йӱыш бар да молат лийыт, - увертара «Марий Элыште туризм» паблик.
      Фото: «Марий Эл Республикыште туризм».

Прошлые выпуски