Вашке Йошкар-Олаште эше ик тӱзландарыме кумдыклан шукырак лиеш

Вашке Йошкар-Олаште эше ик тӱзландарыме кумдыклан шукырак лиеш
            Вашке Йошкар-Олаште эше ик тӱзландарыме кумдыклан шукырак лиеш. Строитель уремын нечётный могыржо дене йолешке зона кумшо номеран пӧрт деч Прохоров урем марте ужашыже шке вашталтмыжым вуча. Тиде шонымашым «Оласе йӧнан кумдыкым ыштымаш» федерал проект кышкарыште йӱклымаште 6 тӱжемат 300 утла еҥ поддержатлен. Подряд организацийым ойырен налме шотышто конкурс процедурым мучашлыме. Тиде пашам «Строй-Снаб 12» организаций шукташ тӱналеш. Пашам июль мучашлан ыштен пытараш палемдыме. Проект кышкарыште корно шартыш вашталтеш да бордюр кӱ вераҥдалтеш, тергыме вынем- влак олмыкталтыт. Йӧнан лийже манын изи архитектур формо- влак вреаҥдалтыт, велокорно лиеш. Чоным куандараш  ший ваштар ден пеледыш вазон- влак, ойыртемалтше волгалтарыме системе ышталтеш- музыкант сынан декоративный фонарь да «Аккордеон», «Балалайка», «Домра», «Кӱсле» семӱзгар дене тематике понар- влак вераҥдалтыт. Адакшым вес ийын тӱзландарышаш кумдык- влак шотышто йодмашым налаш тӱҥалме. Тудо 6-шо март марте шуйна.
           Фото: Йошкар-Ола администраций.

Прошлые выпуски