ВДНХ-ште Марий Элын стендыштыже Курык марий районын кечыже- влак тӱҥалыныт
ВДНХ-ште Марий Элын стендыштыже теҥгече Курык марий районын кечыже- влак тӱҥалыныт. Тиде кечылаште 75-ше павильонышто «Россия» выставкын унаже- влаклан оҥай мероприятий- влакым эртарат. Тудын кышкарыште кажныже Курык марий районысо калыкын илышыже нерген пален налеш,- увертара шке социал вотысо лаштыкыштыже Правительстве вуйлатышын алмаштышыже, тӱвыра министр Константин Иванов. Таче да эрла выставкыш мийыше- влак курык марий сувенир ӱштым ямдылыме, кӱсле дене шоктымо, курык марий тӱран салфеткым, калыкле брошьым ыштыме мастар-классыште лийын кертыт, курык марий костюмым ончат.
Фото: Наталия Мастерова.
Фото: Наталия Мастерова.
