Ял озанлык- республикылан тӱҥ отрасль
Ял озанлык- республикылан тӱҥ отрасль. Аграрий- влак ончылно пӱсын шогышо йодыш- влакым виктарен колтена,- каласен Юрий Зайцев. Марий Элым вуйлатышын пашажым шуктышо Юрий Зайцев регионысо агропромышленный комплексын активше дене вашлийын. Каҥашыме ятыр темыже ял озанлык производитель- влаклан полышым пуымо дене кылдалтын. Регионысо валовый продуктын 18 процентшым ял озанлык ышта. Отрасльыште шуко еҥ тырша, агропромышленный бизнес кум миллиард наре теҥге налогым тӱла. Сандене йоҥгышо чыла йодышлан вашмут ок лий гынат, ме нуным виктарена,- каласен Юрий Зайцев. «Приволжский» сурткайык фабрикым вуйлатышын алмаштышыже Александр Малышев чыве терыс негызеш органический ӱяндышым лукмо заводым чоҥаш ешартыш инвестицийым кондаш кӱлеш манын. «Семёновский» племзаволым вуйлатыше Александр Козырев предприятий кугытым ешараш ямде, но тидлан вияҥме индивидуал программым 2024-ше ий деч умбакыжат шуяш кӱлешым палемден. Юрий Зайцев нине да йоҥгышо моло йодышым Российын ял озанлык министерствыже дене каҥашаш сӧрен.
Фото: Марий Элым вуйлатышын организаций да аналитик виктемже.
Фото: Марий Элым вуйлатышын организаций да аналитик виктемже.
