«Туныктыш» калыкле проектым шыҥдарашлан Марий Элна конкурсышто сеҥыше- влак радамыш логалын

«Туныктыш» калыкле проектым шыҥдарашлан Марий Элна конкурсышто сеҥыше- влак радамыш логалын
Россий Федерацийысе туныктыш министерствыште «Образований» калыкле проектым шыҥдарашлан 2020-2022 ийлаште федерал субсидийым налаш регион- влак коклаште эртарыме конкурсым иктешлыме. Конкурс дене ойырен налме почеш Марий Эл «Кызытсе школ», «Туныктымо цифран кумдык», «Кажне йочан сеҥымашыже», «Самырык профессионал- влак» федерал проект- влак кышкарыште мероприятий- влакым илышыш шыҥдараш субсидийым налеш. Конкурсыш ушнашлан 7 проектым ямдылыме ыле. Нуным республикым вуйлатыше Александр Евстифеев сайлан шотлен. Туныктыш министр Наталья Адамован мутшо почеш, Российын просвещений министерствыжат нуным сай могырым палемден. «Кызытсе школ» проект почеш республикыште цифран да гуманитар профиль дене 15 туныктымо рӱдер почылтшаш. «Туныктымо цифран кумдык» проект кышкарыште 52 школ да 12 техникум ден колледжыште туныктымо цифран кумдыкын модельже шыҥдаралтеш. Тидыже туныктымо пашам цифран технологий дене пойдараш полша. «Кажне йочан сеҥымашыже» проект йоча техник усталыкым вияҥдаш оксам налаш полша. 2021-ше ийыште йоча- влаклан ешартыш шинчымашым пуышо регионысо модель рӱдер ышталтшаш. «Самырык профессионал- влак» проект почеш 2022-шо ийыште ончылгоч профессионал ямдылалтмашым эртарыше рӱдерым ыштыме лиеш. Нине мероприятий- влакым шукташ тичмаш налмаште федерал бюджет гыч 400 миллион теҥге окса толшаш.

Прошлые выпуски