Ял озанлык- влак технике паркыштым пойдарат

Республикысе ял озанлык министерстве ял озанлык сатум ыштен лукшо- влак дене пырля производствышко у технике ден оборудованийым шыҥдарыме шотышто чолган пашам виктара. 12-шо мартлан шотлымаште республикысе ял озанлык сатум ыштен лукшо- влак 124 миллион теҥгелан 73 технике ден оборудованийым налыныт. Тидыже ӱмашсе деч 82 миллионлан шукырак. Тыге озанлык- влак 13 трактор, шурным погышо 5 комбайн, 2 грузовой машина,  мландым пушкыдемдыше да ӱдышӧ 9 машина, пырчым обрабатыватлыше 5 машина дене пойдаралтыныт. Субсидийым пуымо правил почеш 15 процентлан шулдынрак 5 техникым налме. «Росагролизинг» гоч федерал лизинг почеш 10 техникым налме.

Прошлые выпуски