Козьмодемьянскысе вӱд пучышто лийше кугу аварийым йӱдвошт кораҥдыме

Теҥгече эрдене 5 шагатат 30 минутлан Козьмодемьянскысе вӱд пучышто олмыктымо пашам мучашлыме. 10 шагатат пелылан вӱдым ситарыме оласе системыште давленийым нормо марте шуктымо да чыла калыклан молгунамсе семынак вӱд толаш тӱҥалын. Тушто шуматкечын вӱдым ситарыше тӱҥ пучышто аварий лийын ыле. Тудым кораҥдымаште аварий бригадын 15 еҥже да вич технике пашам ыштен. Ушештарена: вӱд пуч- влакым Козьмодемьянскыште 70-шо ийлаштак чоҥымо да 100 процентлан тоштемыныт. Сандене идалык еда 450 наре аварий лиеда. Кызыт решенийым мумо. Марий Эл правительстве дене Российын министерствыжын пырля тыршымыштлан кӧра, олам Россий минстройын пилот проектышкыже пуртымо. Тудын почеш олан  коммунал инфраструктурыжым уэмдышаш улыт.

Прошлые выпуски