Марий Команмелна официальный бренд лийын

Марий Команмелна официальный бренд лийын
             Марий Команмелна официальный бренд лийын. Ресторатор, марий кухньым шарен колтышо Иван Антропов Роспатентыште сатун лекме вержын лӱмжым да калыкле кочкышым регистрироватлен. Ынде Команмелнан шкенжын посна аралыме статусшо уло. Тудо продуктын репутацийжым арала да кушто ыштыме дене кылден шога. Марий Элын  Роспатентыште официально регистрироватлыме тиде шымше брендше- «Команмелна» калык сий. Тудо тӱрлӧ ложаш гыч ыштыме кум пачашан мелна. Мутлан марий кумалтыш годым обязательно кучылтмо продукт. Республикыште улшо шым бренд гыч кумытшым рестораторын компанийже регистрироватлен: Марий подкогыльо, Чарла окорок да Команмелна. Пытартыш брендшым регион- влак кокласе кӱкшытан 4-ше «Йошка Еш» гастрономий фестивальыште 15-ше 16-шо августышто презентоватлаш тӱҥалыт.
                  Фото sernur.club

Прошлые выпуски