Рӱдӧ оласе Киров уремыште эше 80-шо ийлаште чоҥымо хоккей площадкым ачалат
Рӱдӧ оласе Киров уремыште эше 80-шо ийлаште чоҥымо хоккей площадкым ачалат. Киров уремысе 9-ше пӧрт кудывечыште хоккей площадкым октябрь кыдаллан олмыктен пытарышаш улыт.
Тиде каток нерген шукын колыныт. Оксам тӱлыде хоккей дене модмо да коньки дене мунчалтыме верым калык тудланат пагала: вет тудым тӱзландараш да почаш тӱҥалтышым тыглай школьник Артём Зенцов ыштен. Самырык чолга еҥым ятыр еҥ поддержатлен. Кызытат тудын тыршымыже дене площадке ила да уэм шога. Телым тушто кожым вераҥдат, мероприятий- влакым эртарат, жапыштыже лумым эрыктат, матчым эртарат да коньки дене мунчалтат. Артём 2020-шо ий гыч площадкым кӱлеш семын кучаш тырша. 2022-шо ий годсек площадкым пужен ыштыме шотышто ола администраций дене мутланымаш кая манын тудо. Школышто тунемме жап шеҥгелан кодын, а йолташ- влак дене погынен матч- влакым эртараш кумыл уло,- ойла тудо.
Кодшо арнян площадкыште «Заречный» ЖЭУК-ын плотник, маляр, сварщикше- влак пашам ыштеныт. Артёмын мутшо почеш кӱртньӧ сеткым олмыктымо, штырь- влакым кораҥдыме, коробкан ужашыжым чиялтыме. Депутат Виктор Адамчуклан чиям налаш полшымыжлан таум ойла. Тений площадкысе асфальтын шелшыже- влакым «Город» ушем битум дене петыраш тӱналеш. Тидыже ийым сайынрак кылмыкташ йӧным пуа. Тыгак площадке дене кеҥежым пайдаланаш баскетбол меҥгым вераҥдат, иктыже уже уло,- возен социал вотлаште Артем да ешарен: пашам 15-ше октябрь марте мучашлышаш улыт.
Фотом Артём Зенцов пуэн.
Тиде каток нерген шукын колыныт. Оксам тӱлыде хоккей дене модмо да коньки дене мунчалтыме верым калык тудланат пагала: вет тудым тӱзландараш да почаш тӱҥалтышым тыглай школьник Артём Зенцов ыштен. Самырык чолга еҥым ятыр еҥ поддержатлен. Кызытат тудын тыршымыже дене площадке ила да уэм шога. Телым тушто кожым вераҥдат, мероприятий- влакым эртарат, жапыштыже лумым эрыктат, матчым эртарат да коньки дене мунчалтат. Артём 2020-шо ий гыч площадкым кӱлеш семын кучаш тырша. 2022-шо ий годсек площадкым пужен ыштыме шотышто ола администраций дене мутланымаш кая манын тудо. Школышто тунемме жап шеҥгелан кодын, а йолташ- влак дене погынен матч- влакым эртараш кумыл уло,- ойла тудо.
Кодшо арнян площадкыште «Заречный» ЖЭУК-ын плотник, маляр, сварщикше- влак пашам ыштеныт. Артёмын мутшо почеш кӱртньӧ сеткым олмыктымо, штырь- влакым кораҥдыме, коробкан ужашыжым чиялтыме. Депутат Виктор Адамчуклан чиям налаш полшымыжлан таум ойла. Тений площадкысе асфальтын шелшыже- влакым «Город» ушем битум дене петыраш тӱналеш. Тидыже ийым сайынрак кылмыкташ йӧным пуа. Тыгак площадке дене кеҥежым пайдаланаш баскетбол меҥгым вераҥдат, иктыже уже уло,- возен социал вотлаште Артем да ешарен: пашам 15-ше октябрь марте мучашлышаш улыт.
Фотом Артём Зенцов пуэн.
