Йошкар-Олаште маскым чийымым тергат

Йошкар-Оласе полиций пашаеҥ-влак тӱшка верлаште маскым чийымым умбакыже тергат. Маскым обязательно чийыме режимым Марий Элыште 20-шо май гыч увертарыме. Тыге ужалыме верлашке, аптекылашке, тӱшка транспорт да нунын шогалме верлашке, тыгак калык тӱшкан погынымо моло верышке маска але респиратор деч посна лекташ огеш лий. Тиде еҥ-влаклан ешартыш чаракым огыл ышташ, а инфекцийым чактараш ышталтеш.Рейдлашке лекше полицейский-влак калык дене умылтарыме пашам эртарат, административный правам пудыртылмо нерген протоколымат возен пуэн кертыт. Тыге кевытышке аралтыш маска деч посна лекмаш 1 тӱжем теҥге гыч 30 тӱжемыш шуын кертеш.

Прошлые выпуски