Йошкар-Ола аэропортым у семын волгалтарат
Йошкар- Ола аэропортын вокзал воктелсе кумдыкыштыжо да тушко мийыме корнышто волгалтарыме системым пужен ыштат. Кужу жап яра шогымо деч вара республикын юж капкаже почылтмеке, Йошкар- Ола ден Моско коклаште кыл ышталтын. Но тиде проектын эше ик шӧрынжӧ уло- моторлык. Молан манаш гын, вокзалым ончен, республике нерген ойлат. Кызыт аэропорт зданийыште да воктелсе кундемыште олмыктымо да пужен ыштыме паша кая, у, кызытсе жаплан келшыше оборудований вераҥдалтеш. Тиде кечылаште тошто лампе- влакым энергийым аныклыше, светодиодан лампе- влак дене вашталтыме. Тоштемше плафонжо олмешат уым пижыктыме, понар- влакымат уэмдыме. Пашам вокзал воктелсе кундемыштат, трассе дене ушышо корно ужашыштат шуктымо.
