Йошкар-Ола аэропортышто чоҥештен кӱзымӧ да волен шичме полоса пужен ышталтеш
Йошкар-Ола аэропортышто чоҥештен кӱзымӧ да волен шичме полоса пужен ышталтеш, тичмаш аэровокзал комплекс чоҥалтеш. Проект директорын алмыштышыже Дмитрий Долинын мутшо почеш кызыт тошто асфальтым кораҥдат 128 тӱжем квадрат метр гыч тымарте йӱштӧ фрезерований йӧн дене 50 процент нарыжым але 63 тӱжем квадрат метржым кораҥдыме. Бетон вартшым пайдалын лукташ манын Архангельск гыч Йошкар-Олаш кызытсе жаплан келшыше бетон заводым кондымо. Молан манаш гын, чоҥымо кундемыште аэродром шартышлан келшыше бетоным лукшо специализированный куат уке. Кызыт заводлан негызым да цементым аралыме верым ямдылаш тӱҥалме. Завод суткаште тӱжем-тӱжемат 500 кумометр бетон вартышым луктын кертеш. Объектым эксплуатацийыш 2027-ше ийыште пурташ палемдыме. Но федерал кучем орган да кугыжаныш заказчик дене окса лимитым 2026-2027-ше ий гыч кусараш да тӱҥ пашам 2025-ше ийыште мучашлаш мутланымаш кая. Тидыже шартышым пужен ыштымашым да пассажир терминалым почмашым пырля шукташ, аэропортым пашажым тӱҥалаш йӧным пуа.
Фото: mcy-1.ru
Фото: mcy-1.ru
