Марий университетын студентше- влак йот эл гыч толшо- влакын студент спорт фестивальыштышт призёр лийыныт
Марий университетын студентше- влак йот эл гыч толшо- влакын студент спорт фестивальыштышт призёр лийыныт. Кодшо кечылаште Мордовийысе Огарёв лӱмеш кугыжаныш университетыште йотэл студент- влак коклаште кум спорт дисицплине дене таҥасымаш- влак эртеныт: кумыт да кумыт баскетбол, бадминтон да крикет дене. Тушто Юл кундем округысо вич вузышто шинчымашым погышо- влак ӱчашеныт: ПГУ, УлГУ, МарГУ, Евсевьев лӱмеш МГПУ да Огарёв лӱмеш МГУ. Кум кече жапыште иностранец- влак шке моштымыштым ончыктеныт. Баскетбол ден бадминтон ятыр элыште классик модмаш улеш, а крикет дене индиец- влак модыт. Огарёв лӱмеш университетыште индиец –шамыч эн шукын улыт. Сандене тиде спортлан тушто кугу тӱткыш ойыралтеш. Тудын дене модаш Российыште ик эн икымше площадкым ыштеныт. Крикетыште сеҥышыш Пенза университетын, кокымшыш Ульяновскын, кумшыш Марий университетын комнадышт лектыныт. Баскетбол дене Мордва Огарёв лӱмеш, Пенза, Евсевьев лӱмеш Мордва вуз- влак ойыртемалтыныт А бадминтон дене модмаште Огареёв лӱмеш университетын кок командыже икымше ден кокымшо верым налыныт , а Марий университет кумшо верыш лектын.
Фото: МарГУ.
Фото: МарГУ.
