Марий Элым вуйлатыше лӱмын эртарыме сар операцийыште лийше- влаклан черет деч посна медицина полышым пуаш кӱштен
Марий Элым вуйлатыше лӱмын эртарыме сар операцийыште лийше- влаклан черет деч посна медицина полышым пуаш кӱштен. Тидын нерген тудо совещанийыште ойлен. Отпускышт жапыште нунылан оксам тӱлыде да черет деч посна кӱлешан медицина полышым пуыман манын тудо. Тазалыкаралтыш министр Марина Панькова увертарен: СВО-што улшо еҥ- влакын отпускыш толмо жапыштлан яра ужар коридор ышталтеш. Нунылан икымше медико-санитар полышым, диспансеризаций ден профосмотрым эрташ, пӱйым эмлаш да лукташ, пудий энцефалит, столбняк деч вакцинацийым ышташ тазалыкаралтыш министерствыш пурышо медицина тонежлаште йӧным ыштыме. Тидымат ешарен: сарзе комиссариат дене пырля СВО-н участникшылан черет деч посна пуымо медицина полышым ончыктымо памяткым ямдылыме. Тудым отпускыш толшо боец- влалкан сарзе комиссариатыште пуат. Марий Элым вуйлатыше тазалыкралтыш министрлан медицина полышым пуымо йодышым контрольышто кучаш кӱштен.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
