Мемнан самырык куштызына- влак Россий кӱкшытан таҥасымашын кум гана сеҥышыже лийыныт
Мемнан самырык куштызына- влак Россий кӱкшытан таҥасымашын кум гана сеҥышыже лийыныт. Самырык куштызо- влакын палыме мужырышт- Ева Фейгина ден Сергей Козлов уэш да уэш Россий кӱкшытыш кӱзат. Нуно «Арена» куштымо да спорт клубышто шуаралтыт. Тиде гана спортсмен- влак Санкт-Петербургышто куштымаш спорт дене шӧртньӧ медальым сеҥен налыныт. Сеҥышыш лекшаш верч 63 субъект гыч тӱжем утла мужыр кучедалын. Ева Фейгина ден Сергей Козлов «7-9 ияш ӱдыр-рвезе- влак» категорийыште пьедесталын икымше тошкалтышышкыже кум гана нӧлталалтыныт. Ева ден Сергей латиноамерикан, европо программыште да двоеборьеште шӧртньӧ медаль дене палемдалтыныт,- увертара спорт-туризм министерстве.
Фото: Дмитрий Ушаков.
Фото: Дмитрий Ушаков.
