Республикыштына кок кӱварым олмыктымо
Республикыштына кок кӱварым олмыктымо. Нуно вашке пашаш колталтыт. Капитально олмыктымо сомылым «Качестван лӱдыкшыдымӧ корно» калык проект почеш шуктымо. Иктыжым Марий Турек районышто Туречка эҥер гоч 1997-ше ийыште чоҥымо. Тудын кужытшо 41 метр утла лиеш да Марий Турек посёлкым йыр савырнен кайыме корнын ужашыже улеш. Подрядчик- влак тушто мо кӱлдешым чыла шотыш конденыт. Пашан акше 41 миллион теҥгем эртен. Кокымшо кӱварже- Купшерка эҥер гоч «Одобеляк- Куженер- Параньга» корнышто верланен. Тудат пашаш колтымым вуча. Кӱвар Матародо ден Куженер велысе Руш Кугунур яллам ушен шога. Объектлан 34 миллион утла теҥгем ойырымо. Калыкле проектын кураторжо- влак палемденыт: олмыктымо да гарантий почеш обслуживатлыме деч посна подрядчик «Мостремстрой» 8 ий жапыште нине объектлам кучаш тӱҥалеш.
Фото: Марий Элысе корно-влак.
Фото: Марий Элысе корно-влак.
