Тений республикыштына йоча- влаклан канаш да тазалыкыштым пеҥгыдемдаш 80 миллионат 500 тӱжем теҥгем колтат
Тений республикыштына йоча- влаклан канаш да тазалыкыштым пеҥгыдемдаш 80 миллионат 500 тӱжем теҥгем колтат. Марий Элым вуйлатыше тенийсе кеҥежымсе тазалыкым пеҥгыдемдыме кампанийлан ямде улмо шотышто йодыш дене совещанийыште участвоватлен. Тудым видеоконференций йӧн дене Россий Правительство вуйлатышын алмаштышыже Татьяна Голикова эртарен. Тудын мутшо почеш элысе чыла гаяк кундем кеҥеж каныш тургымлан ямде улыт. Республикыште реестрыш 199 организаций пурен. Тушто 22 тӱжем утла йоча, нунын радамыште неле илыш саманыш логалше 12 тӱжем йоча каналтен кертыт. Рашырак каласаш гын, кундемыштына ола деч ӧрдыжсӧ 18 стационар, школла пелен кечывалымсе 175, сутка мучко лийман профилян кокыт да палаткан 4 лагерь пашам ыштат. Тиддеч посна 160 еҥым вераҥдыман ик санаторий. Тазалыкым пеҥгыдемдаш 362 инвалид да начар тазалыкан йочам авалташ палемдыме. Тӱрлӧ учётышто шогышо ийготыш шудымо- влакланат тӱткыш ойыралтеш. Нунын кокла гыч тӱжем утла еҥлан канышым ямдылат. Кок тӱжем наре тунемше республике деч ӧрдыжтӧ каналташ шона, тушечын 300 наре еҥже ямдылыме тӱшка радамыште. Тыге кеҥежым каныш, тазалыкым пеҥгыдемдыме да занятость дене 65 тӱжем наре йочам авалташ палемдыме. Тидыже 6 гыч 18 ияш марте уло йочан 73 процентше лиеш.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
