Йошкар- Ола гыч Зотовмыт еш «Талукын ешыже» конкурсышто сеҥышыш лектын

Йошкар- Ола гыч Зотовмыт еш «Талукын ешыже» конкурсышто сеҥышыш лектын
Марий Элыште илыше еш Россий кӱкшытан «Талукын ешыже» конкурсышто «Самырык еш» тӱшкаште сеҥышыш лектын. Тиде номинацийыште 71 еш ӱчашен, но пиал 16 ешлан гына шыргыжалын. Нунын коклаште Йошкар- Ола гыч Алексей ден Анастасия Зотовмыт улыт. Пиалан еш 8 ий пырля ила да кум йочам- Антоным, Вероникам да Елизаветам ончен-кушта. Нуно чолга илыш дене илат, спортлан шуко жапым ойырат. Чӱчкыдын нуным «Нацийын кроссшо», «Российын ечыгорныжо», «Марий Элын ечыгорныжо», «Йошкар-Оласе пелмарафонышто» ужаш лиеш. Тиддеч посна нуно шке кид дене тӱрлӧ ӱзгарым ышташ йӧратат, ача-ава йочаштым пашалан туныктат. Кеҥеж гоч пырля пакча-саскам ончен-куштат. Социал вияҥмаш министерствын ончыктымыж почеш, тений конкурсыш Российысе 85 кундем гыч 353 еш ушнен.

Прошлые выпуски