Йошкар-Ола гыч передовойыш маскироватлыме сеть- влакым колтеныт
Йошкар-Ола гыч передовойыш маскироватлыме сеть- влакым колтеныт. Серафим Саровскийын храмышкыже коштшо- влак храмын настоятельже протоиерей Александр Бачуринын сугыньлымыжо почеш февральыште СВО-што участоватлыше- влаклан сетьым пидаш тӱналыныт. Тылзе мучко поро кумылан еҥ- влак чыла йӧнан жапыште коштыныт, пидме техникым тунемыныт, схеме ден узорым вашталтылыныт, пашам куштыламдаш йӧн- влакым кычалыныт, мастарлыкым шуареныт. Кажне кечын у еҥ- влак ушненыт. Тыге коло кече жапыште шым сетьым ямдылен шуктеныт, сетьлан да карабинлан икмыняр мешакым ургеныт. Умылтараш да туныкташ СВО-н ветеранже миен, ыштыме сетьым кӱкшын аклен. Храмын тӱналтышыжым Советский районысо Ӧрша храмыш коштшо- влак авалтеныт. Нуно вич сетьым пидыныт да СВО кундемыш колташ Серафим храмыш конденыт. Рушарнян нуным операций эртыме кундемыш наҥгайыме. Тиде кечылаште кокымшо тӱшкам колташ ямдылат. Нуно сетьым пидаш гына огыл, ынде палаткылан тентым ургаш тӱналаш шонат. Кумылан- влакым ушнаш ӱжыт. Йодышым 8 987 728 88 18 номеран телефон дене рашемдаш лиеш.
Фото: Йошкар-Ола епархий.
Фото: Йошкар-Ола епархий.
