Пригородный поезд талук мучко кошташ тӱналеш
Йошкар-Ола ден Озаҥ коклаште пригородный поезд талук мучко кошташ тӱналеш. Пассажир- влакым обслуживатлыме качествым саемдаш манын 3-шо март гыч поезд идалык мучко коштмашке кусна,- увертара Горький кӱртньӧ корнын пресс-службыжо. Тымарте Озаҥ- Йошкар-Ола- Озаҥ поезд тургым семын гына апрель гыч октябрь марте коштын. Но телымат тудо йодмаш дене пайдалана. Сандене кӱртно корно ден Марий Элын Правительствыже пырля тиде маршрутым чарныде коштшым ышташ кутырен келшеныт. Озаҥ гыч поезд кугарнян, шуматкечын да рушарнян 14 шагатат 18 минутлан лектеш да Йошкар-Олаш 17 шагатат 45 минутлан толын шуэш. Мӧҥгешла тудо шуматкечын, рушарнян да шочмын эрдене 7 шагатат 43 минутышто кая да Татарстанын рӱдӧ олашкыже 11 шагатат 7 минутлан миен шуэш.
