Параньга районышто тӱвыра тӧнеж- влакын кодшо ийысе пашаштым иктешленыт

Параньга районышто тӱвыра тӧнеж- влакын кодшо ийысе пашаштым иктешленыт
           Параньга районышто тӱвыра тӧнеж- влакын кодшо ийысе пашаштым иктешленыт. Совещаний районысо тӱвыра да каныш рӱдерыште эртен. Район администрацийын тӱвыра, физкультура да спорт пӧлкажым вуйлатыше Наиля Гараева палемден: 2022-шо ийыште Рӱдӧ клуб системын пашаеҥже- влак кум тӱжемат 700 тӱвыра мероприятийым, 571 увер да шинчымашым шарыше мероприятийым эртареныт. Тидымат каласыме: 570 утла еҥ 140 клуб коллективын участникше улыт. Книгагудо-влак 755  мероприятийым эртареныт. Вич тӱжемат 600 утла еҥ Параньгасе тоштер-ончер рӱдерыш миен. Тӱвыра министр Константин Иванов тӱвыра пашаеҥ- влаклан лектышан пашаштлан тауштен да тӱвыра пӧрт- влакым пужен ыштыме, модельный книгагудым почмо шотышто план- влак илышыш шыҥдаралтыт манын ӱшаным каласен. Совещанийыште Федераций Советын еҥже Сергей Мартынов ден район администрацийым вуйлатыше Альфит Ибраев лийыныт.
      Фото: Твыра министерстве.

Прошлые выпуски