Марий университет уэш «Калык управдом» оксам тӱлыдыман курсым почеш
ЖКХ алан нерген шукырак пален налнеда гын, Марий университет уэш «Калык управдом» оксам тӱлыдыман курсым почеш. Курсым колыштшо- влак илыме вер да коммунал озанлыкым, тудым кучымо да виктарыме нерген кӧргӧ гыч пален налыт. Тиде тунеммаш республикысе калыкым верысе самоуправленийыште участвоватлаш, виктарыше комапний –влак дене шуко пачеран пӧртышто йӧнан кумдыкым ыштымаште вашкылым пеҥгыдемдаш туныкта. Колыштшо- влакын кумылыштым шотыш налын. занятийлам эртараш Чоҥымаш, архитектура, илыме вер да коммунал озанлык министерствын, илыме вер кугыжаныш надзор департаментын, ола администрацийын еҥыштым ӱжмӧ. Программыште ЖКХ аланыште калыкын чӱчкыдын лекше йодышыштым каҥашат. Курсым пытарыме деч вара колыштшо-влаклан Марий университетын сертификатше пуалтеш. Курс 9-ше мартын 17 шагатат 30 минутлан Марий университетын «Точка кипений» площадкыштыже почылтеш. Адресше- Йошкар Армий урем 71 пӧрт. Йодышым 40-18-00 номеран телефон дене рашемдаш лиеш.
Фото: МарГУ.
Фото: МарГУ.
