Йошкар-Оласе 31-ше номеран у школ кудывечыште ситыдымашым кораҥдат
Сентябрьыште Йошкар-Оласе школьник- влак 9-ше В микрорайонысо у школын омсажым икымше гана почын пурат. Тыге 31-ше номеран школ шке историйжым тӱҥалеш. Пытартыш 30 ий жапыште тиде икымше у школ. Тушко 825 ӱдыр-рвезе толшаш. Кызыт у тӧнежыште кӧргӧ паша- влак мучашлалтыт, мебель ден оборудованийым ситарат. Подряд организаций воктелсе кундемым тӱзландара. Тидын годымак чот йӱршӧ йӱр ситдымашымат рашемден. Школ пеленысе стадионышто вӱдым йоктарен колтымо системыште экшык палдырнен. Сандене проект организаций футбол пасу йыр вӱдым колтымо лоток- влакым вераҥдаш шона. У школым почмаш пеш кӱлешан да вучымо событий.
