Волонтёр рӱдер умбакыже пашам ышта
Элысе тӱҥ партийын волонтёр рӱдерже умбакыже пашам ышта. Тудо республикыштына коронавирус шарлыме жапыште ныл тылзе еҥ- влаклан полышым пуэда. Рӱдерын пашашкыже волонтёр, депутат, партийын чолга еҥже- влак ушненыт. Верлаштат полыш пуалтеш. Ныл тылзе жапыште рӱдерыш тӱжемат 300 наре йыҥгыр пурен. Эмым, кочкыш сатум конден пуат, сурт кӧргӧ йодышым виктарен колташ да коммунал полышлан тӱлаш полшат. Телефон дене консультацийым 400 утла еҥ налын. Кызыт «шокшо» телефон линийыш утларакше юридический шотан йодыш- влак пурат. Тораште верланыше специализрованынй эмгудо гыч эмым кондаш, врач деч рецептым кондаш йодыт. Чарымашым лушкемдымылан кӧра йодмаш шагалемын. Очыни, шукынжо ынде рӱдер пашам ок ыште, манын шоналтеныт. Тудо ончычсо семынак пашам ышта. Чӱчкыын йыҥгыртыше- влак тугак полышым йодын йыҥгыртат. Тачысе кече гыч 31-ше июль марте приёмныйыште туризм полышым пуымаште потребительын праважым аралыме йодышым налме арня эрта. Самоизолированный еҥ- влак деч йодмашым кажне кечын 63-00-39 номеран телефон дене налыт.
