Волгенче Юлтехын тӱҥ корпусшым перен
Волгенче рашкалтымылан кӧра Юлтехлан изи огыл эҥгек ышталтын. Кодшо арнян Юлтехын тӱҥ корпусышкыжо волгенче логалын. Эҥгек икмыняр шӱдӧ тӱжем теҥге наре окса дене аклалтеш. Коммуникаций оборудований локтылалтын. Специалист- влак инфраструктурым ик кечыште шотыш конденыт. Но чыла эҥгекым кораҥдаш шуко жап кӱлеш. Волгенче тыгак виктарыме системылан эҥгекым конден. Кызыт университет штат режим дене тырша, приёмный комиссият пашам ышта.
