Кушто эн шуко шӧрым лӱштен налыт?
Кеҥеж утларак шӧрым лӱштен налме пагыт. Кызыт эн шуко шӧрым У Торъял ден Медведево районысо ял озанлык организаций- влак шупшылыт. Тенийсе январь- июнь жапыште озанлыклаште шӧр лӱштыш 61 тӱжем утла тонным эртен. Тидыже ӱмашсе тыгаяк жап дене таҥастарымаште 7 тӱжем наре тоннлан шукырак. Ик ушкаллан шотлымаште кум тӱжемат 600 утла килограммыш шуын. Кодшо ийын кум тӱжемат 200 утла килограмм лийын. Нине кок районышто ушкал- влак утларак шӧрым пуат. Ик ушкаллан шотлымаште У Торъял районышто ныл тӱжемат 500 утла, Медведево районышто ныл тӱжемат 300 утла килограмм лийын.
