Йошкар-Ола мэрийыште лишемше ырыктыме тургымым каҥашеныт

Йошкар-Ола мэрийыште лишемше ырыктыме тургымым каҥашеныт
             Йошкар-Ола мэрийыште лишемше ырыктыме тургымым каҥашеныт. Тушко ресурсым ситарыше организацийлан, виктарыше компанийлан еҥыштым, кугыжаныш илыме вер надзор департаментым вуйлатыше Эльвира Гамеровам ӱжмӧ. Совещанийым мэрын сомылжым шуктышо Антон Трудинов эртарен. Рӱдӧ олаштына кызыт кок тӱжемат 240 шуко пачеран пӧрт шотлалтеш Виктарыше компанийын реестрыштыже 72 организаций пура, фактически пашам ыштышыже 54 уло. Икымше ТЭЦ-ын, «Т Плюс» ПАО-н, «Маркоммунэнерго-н», «Водоканалын» еҥышт олтымо тургымлан ямдылалтме да резерв топливын шапашше нерген отчётым ыштеныт. Кугу виктарыше компаний- влакын вуйлатышышт шуко пачеран пӧртлам капитально олмыктымо, леведышлам ачалыме, шокшым пуышо системым  опрессоватлыме да мушмо, учёт приборым тергыме пашан кузе кайымыже нерген каласкаленыт. Кӱчык кеҥеж жапыште ятыр ямдылалтме мероприятийым ыштен шуктыман, ямде улмо шотышто пасопртым налман. Нине йодышым пеҥгыде контрольышто кучаш тӱналам. Тыгай вашлиймаш- влак чӱчкыдын эрташ тӱҥалыт,- каласен мэрын пашажым шуктышо.
          Фото: Йошкар-Ола мэрий.

Прошлые выпуски