Козьмодемьянскыште капитально олмыктымо деч вара сымыктыш школым почмо
Козьмодемьянскыште капитально олмыктымо деч вара сымыктыш школым почмо. Андрей Эшпай лӱмеш йоча сымыктыш школ шке омсажым почын. «Тӱвыра» калыкле проект почеш олмыктымо пашан акше 21 миллион теҥгем эртен. Тушто пӱтынек кӱварым, окнам, омсам вашталтеныт, леведышым олмыктеныт, ырыктыме системым, сантехник да электрооборудованийым уэмденыт. Калыкле проектлан кӧра школышто тыгак концерт зал ден кабинетлам капитально олмыктымо. Сымыктыш школлан семӱзгарым, йӱктехнике оборудованийым, интерьер предметым налаш республикын бюджетше гыч ешарен 6 миллион теҥгем ойырымо. Ушештарена: 2021-ше ийыште республикыштына ныл йоча сымыктыш школым олмыктымо.
Фото: Туныктыш министерстве.
Фото: Туныктыш министерстве.
