Йошкар-Олан мэрже пашаче вашлиймашлаште олам тӱзландарыме нерген каласкален
Йошкар-Олан мэрже пашаче вашлиймашлаште олам тӱзландарыме нерген каласкален. Евгений Маслов оласе икмыняр организацийыш миен. Тушто тудо калыкле проект- влакым шыҥдарыме нерген ойлен. Нунын коклаште «Оласе йӧнан кумдыкым ыштымаш» проект кугу верым налеш. Тиде проектлан кӧра Йошкар-Олаште 2017-ше ий годсек тӱшка кумдык- влак тӧрлалтыт. Оласе калык ужын шога: ола кажне ийын йӧнанрак да чаплырак лиеш. Тиде жапыште парк, сквер, йолын коштмо вер- влак- 30 утла кумдык уэмын, у шӱлышым налын. Тидымат ушештарен: 15-ше гыч 17-ше март марте оласе калык 2025-ше ийыште тӱзландарышаш кумдык- влак верч шке йӱкшым пуэн кертеш.
Фото: Евгений Масловын ВК-же.
Фото: Евгений Масловын ВК-же.
