Йошкар-Олаште Российысе калык- влакын шочмо йылме да литературышт дене олимпиадын иктешлыше йыжыҥже мучашлалтын

Йошкар-Олаште Российысе калык- влакын шочмо йылме да литературышт дене олимпиадын иктешлыше йыжыҥже мучашлалтын
            Йошкар-Олаште Российысе калык- влакын шочмо йылме да литературышт дене олимпиадын иктешлыше йыжыҥже мучашлалтын. Марий Элыште олимпиаде кокымшо ий почела Федераций Советын да Йӱдвел-Эрвел федерал университетын тӱҥалтышышт почеш эртаралтеш. Тиде кечылаште мемнан кундемысе 116 школ марий йылмым да литературым палыме шотышто таҥасеныт. Университет деч олимпиадын кураторжо Елена Дьяконова эртарыме пашам кӱкшын аклен да палемден: кодшо ий дене таҥастарымаште участник- влакын чотышто ныл пачаш кугемын. Тидымат палемден: шочмо йылме дене олимпиадым Россий мучко тений 45 йылме дене возат, нунын коклаште марий йылмат уло. Тидын годым федерал олимпиадын сеҥыше ден призёржо- влак вузыш чыла педагогике специальность дене тунемаш пуращ льготым налыт. Марий Элысе тунемше- влак деч посна шке регионыштышт интеллектуал таҥасымаште Татарстанысе, Башкортостанысе да Удмуртийысе ӱдыр-рвезе- влак участвоватленыт.
        Фото: Туныктыш министерстве.

Прошлые выпуски