Санкт-Петербургышто Рашен Тревел Эвардс кумшо турист премийым иктешленыт

Санкт-Петербургышто Рашен Тревел Эвардс кумшо турист премийым иктешленыт
          Шукерте огыл Санкт-Петербургышто Россий кӱкшытан Рашен Тревел Эвардс кумшо турист премийым иктешленыт. Марий республике сеҥыше- влак радамыш пурен Презентацийын проектше дене республикысе турист сфере гыч специалист- влакын кугу командышт пашам ыштен. Проект «Этнотӱвыра туризмын регионжо» номинацийыште кокымшо верым налын. Сеҥыше- влак Санкт-Петербургышто кодшо кечылаште саламленыт. Тиддеч ончыч Российысе 44 регионын представительже- влак калык ончылно выступатленыт. Нуно 20 официальный номинацийыште сеҥышыш лекшаш верч ӱчашеныт. Марий Эл «Этнотӱвыра туризмын регионжо» номинацийыште кокымшо верыш лектын. Башкортостан икымше лийын, кумшо вер Забайкальский крайлан логалын. А кодшо ийын Марий Эл тиде конкурсышто «Этнотӱвыра туризмын кундемже» номинацийыште «Марий Эл- яндар йӱкан кӱслен кундемже» проект дене икымше верым налын ыле.
          Фото: Спорт-туризм министерстве.

Прошлые выпуски