Чодыра озанлык пашаеҥ- влак коклаште эн уста колызо- влакым ойыреныт
Республикыштына чодыра озанлык пашаеҥ- влак коклаште эн уста колызо- влакым ойыреныт. Колызо- влак Волжскысо лесничествыште Кумьяр ерыште вашлийыныт. Эн уста лӱм верч 21 команде таҥасен, кажныштыже кок еҥ лийын. Иктешлымаш почеш, икымше верым Килемар лесничестве гыч Вячеслав Яранцев ден Александр Гулин налыныт. Кокымшо вер пушеҥгым обрабатыватлыше заводлан логалын- Игорь Грибков ден Д.Н Лебедев, кумшо верыш «Звенигово чодыра» организаций гыч Дмитрий Загайнов ден Г.В. Орлов лектыныт. Посна зачётышто Вячеслав Яанцев сеҥен, кокымшо Александр Орлов, кумшо Дмитрий Загайнов лийыныт. Пӱртӱс поянлык министерствын посна пӧлекше да Чодыра дене пайдаланыше- влак ушемын вуйлатышыжын Чап грамотыштым эн кугу колым кучымылан Владимир Сусловлан кучыктымо.
Фото: Пӱртӱс поянлык министерстве.
Фото: Пӱртӱс поянлык министерстве.
