Марий Элын «Куштымаште илыш» социал-инклюзив проектше Россий кӱкшытан конкурсышто икымше степенян лауреат лийын

Марий Элын «Куштымаште илыш» социал-инклюзив проектше Россий кӱкшытан конкурсышто икымше степенян лауреат лийын
                Марий Элын «Куштымаште илыш» социал-инклюзив проектше куштымаш корно дене «Талант- влакын фейерверкышт»  Россий кӱкшытан конкурсышто икымше степенян лауреат лийын. Фестиваль Шкетан лӱмеш марий драма театрыште эртен да Марий Эл, Саратов, Иркутск, Воронеж областьла, Санкт-Петербург, Татарстан, Чуваший гыч тӱжемат 300 еҥым чумырен. Конкурс  чыла социал категорийыш пурышо еҥ- влаклан эртаралтын, «Чолга илыш 50+», «Школ лига», «Йоча сад- влакын турнирышт», начар тазалыкан- влаклан «Инклюзив данс». «Куштымашыште илыш» пырля ыштыме социал- инклюзив проектым кум коллектив ончыктен: бальный куштымашын «Дебют» образцовый ансамбльже, Российысе начар ужшо да соҥыра- влакын  верысе пӧлкашт. Жюрин палемдыме «Ме миллион улына» номерыште 34 еҥ участоватлен. «Дебют» ансамбльым вуйлатыше Анна Соколова хореографий сымыктышыш кугу надырым пыштымылан, фестивальым чаткан ямдылымылан тӱвыра министрын тауштымашан серышыже дене палемдалтын.
              Фото: Ансамбль "Дебют".

Прошлые выпуски