Кундемысе шым ялыште тений уремлам волгалтарат да тротуарлам ыштат
Кундемысе шым ялыште тений уремлам волгалтарат да тротуарлам ыштат. Шымыт гыч кум ялже шотышто контрактым пеҥгыдемдыме,- увертара «Марий Элысе корно- влак паблик. Провой велысе Чакмарийыште волгалтарышаш уремын кужытшо кум меҥгат 400 метрыш погына. Тиддеч посна тротуарым да автобус чарналтышым ыштат. Чыла пашам июль мучаш марте шуктышаш улыт. Тиде пашалан 59 миллион теҥге оксам ойырымо Параньга районысо Матародо ялыште 700 метр уремым волгыдым ыштат, тыгак тротуар лийшаш. 9 миллион теҥгем шогышо пашам июньышто мучашлаш палемдыме. Куженер районысо Йӱледӱр селаште тыгак тӱжемат 700 метр урем волгыдырак лиеш, кок тӱжемат 800 метр кужытышто йолгорно ышталтеш. Пашалан 29 миллион теҥгем кучылташ палемдыме. Эртыше ийын «Качестван лӱдыкшыдымӧ корно» калыкле проект кышкарыште 9 меҥгат 500 метр кужытышто электротулым пуртымо, 9 меҥге утла кужыт тротуарым пыштыме, 5 автобус чарналтышым чоҥымо. Чылаже тиде пашалан 122 миллион теҥге оксам кучылтмо.
