Республикысе самырык радист- влак тӱнямбал акцийыште Российын чапшым аралат

                  Республикысе йоча да самырык- влакын техник усталык рӱдырыштын самырык радистше- влак тӱнямбал акцийыште Российын чапшым аралат. Тудо декабрьыштак эрта. Тиде мер ушем 152 эл гыч калыкле радиолюбитель организаций- влакым ушен шога. Икымше декабрь гыч тудо самырык тукымын чолгалык месячникшым эртара. Самырык еҥ- влак радиоэфирыште пашам вияҥден колтышаш улыт. Тидлан тӱрлӧ элыште любитель радиостанций- влакын пашаштым виктарыме. Тидлан лӱмын ыштыме  позывной кучылталтеш. Российысе радиолюбитель- влак Ушемын президиумжо тиде тӱҥалтышыш Россий гыч ушнымым сайлан шотлен да Марий Элысе ӱдыр-рвезе- влаклан «Р20 йота» посна позывнойым кучылташ йӧным ыштен. Мемнан- влак эфирыште микрофон дене гына огыл, цифран кыл да телеграф йӧн денат пайдаланат. Тӱнямбал акцйиыште «Самырык радиолюбитель» да «Самырык радист» йоча ушем- влак моштымашыштым ончыктат.

Прошлые выпуски